Kalkulator i TVSH-së për Kosovë · falas Shtoni ose nxirrni TVSH-në,pa letër e laps.
Shkruani shumën, zgjidhni nëse është çmim pa TVSH apo me TVSH dhe normën — 18%, 8% ose 0%. Kalkulatori tregon bazën, TVSH-në dhe totalin. Falas, pa regjistrim, punon edhe në telefon.
- Pa TVSH (baza)
- 100,00 €
- TVSH
- 18,00 €
- Me TVSH (totali)
- 118,00 €
Si llogaritet TVSH-ja
01
Nga çmimi pa TVSH
TVSH = çmimi × norma. Totali = çmimi + TVSH. Për 100 € me 18%: TVSH-ja është 18 €, totali 118 €.
02
Nga çmimi me TVSH
Baza = totali ÷ (1 + norma). Për 118 € me 18%: 118 ÷ 1,18 = 100 €, pra TVSH-ja është 18 €.
03
Gabimi më i shpeshtë
Të marrësh 18% të çmimit me TVSH. 18% e 118 € është 21,24 € — gabim. TVSH-ja nxirret duke pjesëtuar me 1,18, jo duke shumëzuar me 0,18.
Llogaritje të gatshme
| Shuma e dhënë | Norma | Pa TVSH (baza) | TVSH | Me TVSH (totali) |
|---|---|---|---|---|
| 100,00 € pa TVSH | 18% | 100,00 € | 18,00 € | 118,00 € |
| 100,00 € pa TVSH | 8% | 100,00 € | 8,00 € | 108,00 € |
| 118,00 € me TVSH | 18% | 100,00 € | 18,00 € | 118,00 € |
| 50,00 € me TVSH | 18% | 42,37 € | 7,63 € | 50,00 € |
| 50,00 € me TVSH | 8% | 46,30 € | 3,70 € | 50,00 € |
Në Kosovë, 18% është norma standarde, 8% norma e reduktuar për një listë të caktuar mallrash e shërbimesh, dhe 0% vlen për furnizimet e liruara ose me normë zero. Se cila normë vlen për artikullin tuaj, e sqaroni me kontabilistin ose me ATK-në — kalkulatori bën vetëm llogaritjen.
Pyetjet që na bëjnë më shpesh
Si llogaritet TVSH-ja 18% në Kosovë?
Nga çmimi pa TVSH: shumëzoni me 0,18 dhe shtojeni — 100 € bëhen 118 €. Nga çmimi me TVSH: pjesëtoni me 1,18 për të gjetur bazën — 118 € japin 100 € bazë dhe 18 € TVSH.
Si e nxjerr TVSH-në nga çmimi me TVSH?
Pjesëtoni çmimin me 1 plus normën: me 1,18 për 18% ose me 1,08 për 8%. Rezultati është baza; diferenca deri te çmimi është TVSH-ja. Për 50 € me 18%: baza 42,37 €, TVSH-ja 7,63 €.
Cilat janë normat e TVSH-së në Kosovë?
18% është norma standarde, 8% norma e reduktuar për një listë të caktuar mallrash e shërbimesh, dhe 0% vlen për furnizimet e liruara ose me normë zero.
A e llogarit programi i shitjes TVSH-në vetë?
Po. Në Kendrix POS çdo artikull mban normën e vet dhe kuponi fiskal e ndan totalin sipas normave — bazë dhe TVSH për 18%, 8% dhe 0%. Kendrix ONE i mbledh këto në Librin e Shitjes dhe në Deklaratën e TVSH-së.
Udhëzues për këtë temë
Si bëhet deklarimi i TVSH-së në Kosovë: hapat në EDI, afati dhe TVSH-ja e zbritshme
Si bëhet deklarimi i TVSH-së në EDI të ATK-së: çka ju duhet, afati, TVSH-ja e zbritshme, kthimi i tepricës dhe gabimet më të shpeshta.
Normat e TVSH-së në kuponin fiskal: 0%, 8% dhe 18%
Si ndahet TVSH-ja në kuponin fiskal sipas normave 0%, 8% dhe 18%, kush e cakton normën e artikullit dhe si e trajton Kendrix POS.
Fatura tatimore në Kosovë: çka duhet të përmbajë, me dhe pa TVSH
Elementet e detyrueshme të faturës tatimore në Kosovë, fatura me dhe pa TVSH, profaktura, nota e kreditit dhe kur mjafton kuponi fiskal.
Libri i shitjes dhe libri i blerjes në formatin Excel të ATK-së
Çfarë përmbajnë librat e shitjes dhe të blerjes, si lidhen me deklaratën e TVSH-së dhe si i eksporton Kendrix ONE në formatet Excel të ATK-së.